Нэгэн үе хамгийн шоучин одоор нэрлэгдэж байсан Парис Хилтон АНУ-ын ерөнхийлөгчийн сонгуульд хэнийг дэмжин санал өгснөө сүрхий нууцалж байсан. Холливуудын маш олон од Хиллари Клинтонг дэмжиж, Доналд Трампыг сонгогдох аваас АНУ-ыг орхиж явна гэж амлаж байсан. “Улс төр болон мөнгөний тухай хэзээ ч бүү ам нээ” хэмээх ээжийнхээ сургаалийг үргэлж санаж явдаг тул сонгуульд хэнийг дэмжихээ олонд зарлахгүй хэмээн Парис мэдэгдэж байсан билээ.
Тэрбээр Австралийн телевизэд өөрийн сүүлд гаргасан “Gold Rush” сүрчигнийхээ сурталчилгааны нэвтрүүлэгт оролцох үедээ ерөнхийлөгчийн сонгуульд хэнийг дэмжсэн талаараа ам нээжээ. Би түүнийг жаахан охин байх үеэсээ л таньдаг байсан гээд саналаа Трампт өгсөн гэдгээ хэлсэн байна.
Доналд Трамп, Парис Хилтон гэх нэр хэвлэлийн хуудсанд анх удаагаа хамтдаа гарч байгаа хэрэг энэ биш гэнэ. Энэ жилийн эхээр Ховард Стернтэй 2003 онд хийсэн Доналд Трампын ярилцлага олонд ил болсон юм. Тус ярилцлаганд 12 настай Парис Хилтонг маш үзэсгэлэнтэй хэмээн тодорхойлсон байдаг аж. “ Би түүнийг өрөөнд орж ирэхэд нь чөтгөр аваг, энэ чинь одоо хэн бэ хэмээн бодсон гэж Трамп ярьсан байдаг аж.
И.МӨНХЦЭНГЭЛ
Эх сурвалж : www.zone.mn
