“Гантулгуудын клуб”-ын санаачлагаар суралцах болон өөрийгөө хөгжүүлэх оргилуун их хүсэл тэмүүлэлтэй, өөрийн мэргэжил, сонирхолын чиглэлээрээ нийгэмд манлайлан ажиллах ирээдүйтэй оюутнуудыг дэмжих, сурах их үйл хэрэгт нь туслалцаа үзүүлэх зорилгоор "Оюутны тэтгэлэгт, манлайллын хөтөлбөр"-ийг хэрэгжүүлсэн билээ.
Хөтөлбөр нь судлаач оюутнуудыг дэмжих, манлайлагч оюутнуудыг дэмжих, орон нутгийн оюутнуудыг дэмжих гэсэн гурван хэсгээс бүрэж байгаа юм. Тэгвэл "Оюутны тэтгэлэгт, манлайллын хөтөлбөр"-т хамрагдах шилдэг 30 оюутныг шалгаруулах ажиллагаа амжилттай болж өндөрлөлөө.
