Эмэгтэйчүүдийн эсрэг хүчирхийлэлд өртөгсөд эрүүл мэнд, сэтгэл санаа, аюулгүй байдал, бие даасан, хараат бус байдлаараа ноцтой хохирдог боловч уламжлал, соёл, хувийн айдсаас шалтгаалан ийм төрлийн хүчирхийлэл нүднээс далд явагдаж, ихэвчлэн нийгмийн анхаарал, хариуцлагын тогтолцооноос гадуур үлддэг.
Тиймээс 2016 оны 12 дугаар сарын 5-ны өдөр буюу өнөөдөр 11:00 цагаас Хэвлэлийн Хүрээлэнгийн мэдээллийн төвд энэ асуудлыг шийдвэр гаргагчдын анхааралд хүргэх, хохирогчдыг хамгаалах, охид, эмэгтэйчүүдийн эсрэг хүчирхийллээс урьдчилан сэргийлэхэд хэвлэл мэдээллийн гүйцтэгэх үүргийг илүү хүчтэй болгох зорилгоор Хэвлэлийн Хүрээлэн, НҮБ-ын Хүн Амын Сантай хамтран ажиллах Харилцан ойлголцлын санамж бичигт гарын үсэг зурахаар болов. Гарын үсэг зурах ёслолд НҮБ-ын Хүн Амын Сангийн суурин төлөөлөгч Наоми Китахара, Хэвлэлийн Хүрээлэнгийн гүйцэтгэх захирал М.Мөнхмандах нар оролцоно.
