Монгол улсаа төлөөлөн оролцож буй мисс А.Баярцэцэгийг дэлхийн хэвлэлүүд хэдийнээ онцолж эхэлсэн бөгөөд зарим нь түрүүлэх хамгийн өндөр магадлалтай хэмээн бичиж байгаа юм. Монгол улсаа төлөөлөн оролцож буй А.Баярцэцэг видео танилцуулгаараа маш өндөр оноо авч тэргүүлсэн бол үндэсний хоолны төрөлд Ази тивээ төлөөлөн оролцож багаараа хоёрдугаарт шалгарсан.Мөн Авьяаслаг миссийн төрөлд шилдэг аравт багтаж чадсан билээ.
Тэгвэл манай мисс А.Баярцэцэгийн хүмүүнлэгийн ажил шилдэг 24-т багтсан байна. Тэрбээр “Агаа эгээ” нэртэй төсөл хэрэгжүүлсэн бөгөөд уг төслөөрөө дамжуулан асрамжийн газрын хүүхдүүдэд үлгэрлэн дууриах, зөвлөн туслах насан туршийн агаа, эгээг нь олж өгдөг юм байна. Дэлхийн миссийн тэмцээний хүмүүнлэгийн ажил нь нэлээд өндөр оноотой байдаг аж. Манай мисс ямартай ч хүмүүнлэгийн ажлаараа шилдэг 24-т багтаж хагас шишгээд үлдэж чаджээ.
