Монголчуудын үндэсний баяр болох Цагаан сар нэгдүгээр сард, хоёрдугаар сард гэх маргаан намжиж, хоёрдугаар сарын 27-нд шинэлэхээр болсон билээ. Тэгвэл баяр ёслол, бүх нийтээр тэмдэглэх баярын өдрүүдэд амралтыг зохицуулсан тусгай хуультай. Нийтээр тэмдэглэх баярын болон тэмдэглэлт өдрүүдийн тухай хуульд 2013 оны УИХ-ын гишүүн асан Су.Батболд нараас өргөн барьсан нэмэлт өөрчлөлтөөр Сар шинийн баяраар шинийн нэгнээс гурван хүртэл бүх нийтээр амардаг болсон. Тэгвэл энэ жилийн хувьд шинийн нэгэн даваа гаригт тохиож байгаа. Тиймээс хуулийн дагуу пүрэв гаригаас эхлэн ажлын өдрүүд эхлэх учиртай.
Засгийн газраас хоёр ч удаа ажлын өдрийг шилжүүлэх шийдвэр гаргаж байсан учраас энэ жилийн цагаан сарын баяраар тав хоног амрах уу гэсэн таамаг олон нийтийн дунд яригдаж байгаа юм. Гэвч цагаан сарын баярын амралтыг өдрүүдийг сунгах шийдвэр Засгийн газраас гаргаагүй байгаа юм.
