Гурван хүүхдийн ээж 37 настай Коортни Кардашиан өөрөөсөө 15 насаар дүү дуучин Жастин Бибертэй “үе үе” нэр холбогддог. Кардашианы гэр бүлийн том эгч Коортниг өнгөрөгч онд Биберийн хүүхдийг тээж байгаа гэх яриа ч гарсан. Түүнчлэн тэд хувцсаа сольж өмсдөг болов уу гэмээр содон загварын ганц хүрмийг тус тусдаа авахуулсан зургандаа өмссөн байдаг юм. Нөхрөөсөө салаад ганц бие байгаа Коортни энэ амралтын өдрөөр тун тачаангуй хувцастай Жастин Бибертэй гадуур гарчээ. Тэд Холливуудын Пепперминт клубт цагийг өнгөрөөсөн бөгөөд Коортнигийн задгай хувцаслалт олны нүдэнд тусчээ. Тэд өмнө нь хамтдаа кино үзэж, гадуур зугаалсан зургаа цахим ертөнцөд тавьж шуугиан дэгдээж байсан билээ.
