Лавай цагаан Сутайдаа зусахад
Лааны зүүрмэг гэрэл чиг яахав дээ
Лагшин тунгалаг ээжийгээ байхад
Лангаар урласан эрдэнэ чиг яамай шүү дээ
ДХ: Зүсэр цагаан Сутайдаа очъё оо
Зүйлийн гол мэлмэрч л байгаа даа
Зүүдэн хайлан ээжийдээ золгоё доо
Зүгийн тэнгэр ширтэнхэн суугаа даа
Гэрэлт цагаан Сутайдаа зусахад
Гэгээн тансаг амралт чиг яахав дээ
Ганцхан заяасан ээжийгээ байхад
Гангалж уралсан эрдэнэ чиг яамай шүү дээ
ДХ:
Дун цагаан Сутайдаа зусахад
Дуу алдам хангай чиг яахав дээ
Дуудах сайхан ээжийгээ байхад
Дутах гансрах ч гэж үгүй шүү дээ
ДХ:
Үг: С.Рэнчиндорж
Ая: Б.Цэрэндорж
