Биеийн тамир спортын газраас өнөөдөр Үндэсний цэцэрлэгт хүрээлэнд “Мөнгөн өвөл” арга хэмжээ зохион байгуулна.
Тус арга хэмжээнд спортын чиглэлээр ажилладаг байгууллагууд гурван төрлөөр өрсөлдөх аж. Тодруулбал, гүйлтийн цана, олс таталт, сагсан бөмбөгийн тэмцээн болох юм байна.
Мөн уг арга хэмжээнд спортын алдартнууд ирэхээс гадна урлагийн олон арга хэмжээ болох бөгөөд БСШУСЯ-ны Биеийн тамир, спортын бодлогын газар, Биеийн тамир, спортын газар болон 21 аймгийн Биеийн тамир, спортын газрын удирдлагууд, Үндэсний цэцэрлэгт хүрээлэн, Монголын цанын холбоо, Нийслэлийн аялал, жуулчлалын газар, Нийслэлийн нийтийн биеийн тамир, спортын хороо, дүүргүүдийн биеийн тамир, спортын хороо, Монголын спортын сэтгүүлчдийн холбооны төлөөлөл оролцох аж.
