Сүүлийн үед “Амьдралын бэлэг”, “Ханьдаа”, “Амьдрал хайраар гоёдог” зэрэг олон сайхан хайрын дуунуудаараа яах аргагүй олны талархалыг хүлээгээд байгаа дуучин бол хоймор нутгийн хүү МУСТА Я.Гэрэлчулуун билээ. Тэрээр эх орондоо төдийгүй дэлхийн 10 гаруй оронд ажиллаж амьдарч буй элэг нэгт монголчууддаа “Монголоо санасан сэтгэл” тоглолтоо тун амжилттай хүргээд ирсэн аж. Тэгвэл саяхан гаргасан “Амьдрал чамд хайртай” нэртэй цомгоороо нэрлэсэн өөрийн 2 дахь бие даасан тоглолтоо тун удахгүй хүргэх болсон гэнэ. Түүний энэ удаагийн тоглолтонд өөрийнх нь бүх шилдэг уран бүтээлүүд нь дуулагдахаас гадна нэгэн цаг үеийн төлөөлөл болсон уран бүтээлчид, түүний шүлгээр бүтсэн дуунуудыг дуулж оролцохоороо онцлогтой юм байна.
МУСТА Я.Гэрэлчулуун өөрийн цахим хуудаснаа “…Миний дууг сонсдог түмэн олондоо баярлалаа. Та бүхэндээ зориулж миний бие 2017 оны 02 сарын 14 буюу гэгээн хайрын өдөр “Амьдрал чамд хайртай” хайртай тоглолтоо хүргэх болсондоо баяртай байна…” гэсэн байна.
Юутай ч дуулсан дуу бүр нь сэтгэлийнх байдаг дуучныхаа урлагийн зам, удахгүй болох тоглолтонд нь их амжилт хүсье.
А.Ариунгэрэл
