Газрын холоос дуралзсан аавын өргөө цайвалзсаар
Галбын шанхан говийг өдөржин туулсаар золгоно доо
Бүсгүй хөмсөг шиг саран үдшийн гэгээнд эрхэлсээр
Буурын зогдорт зүүгдсээр толгодын цаагуур шингэнэ
Зүүдээ манах шөнөөр
Зүрхэнд буйлдаг говь
Зуугаар наслахад уйдамгүй
Зул шиг шаргал нутаг минь
Ингэ хөөслөх ээжийн уяхан хоолой дуурсаад
Ижий говийн аашийг учирлаж аргадан эгшиглэнэ
Уяралын нулимстай буйлаанд хөөмий сэтгэл гэгэлзээд
Ухаарал шивнэх аялгуу зүрхний гүн рүү зуларна
Зүүдээ манах шөнөөр
Зүрхэнд буйлдаг говь
Зуугаар наслахад уйдамгүй
Зул шиг шаргал нутаг минь
Нүүдэл цагаан үүлсийн тэлмэн хатир сульдсаар
Ноён Сэврэйн шил дээр хоног төөрүүлж суунаглана
Хонгорын шаргал манханы хажсан хормойг тоосруулсаар
Хаямал ингэний тэшээнд залуу нас тэмүүлнэ
Зүүдээ манах шөнөөр
Зүрхэнд буйлдаг говь
Зуугаар наслахад уйдамгүй
Зул шиг шаргал нутаг минь
