Үзэмжит хээнцэр цэцэгс чимээ чагнан ганхах
Үдшийн намуухан анираар зүрхээ хөглөж санадагаа
Үглээ борхон шувуу өндөгөө дараад амарсан
Үүрийн шаргал гэгээнээр зүүдээ сэмлэж санадагаа
Ай Урсан өнгөрөх хоногуудад сэтгэлээ чилээж санадагаа
Угтан ирэх өдрүүдийг итгэлээр сүлж хүлээдэгээ
Зэгсэн дундаа шувууд өдөө шилгээн бүжих
Зэрэглээн цэнхэр тэнгисээс ургуулж дүрслэн санадагаа
Нууруун орхиод ниссэн ангирын цувуунаас бууруулж
Нууцхан зүрхний үгээ нутгийн горхинд шивнэдэгээ
Ай Урсан өнгөрөх хоногуудад сэтгэлээ чилээж санадагаа
Угтан ирэх өдрүүдийг итгэлээр сүлж хүлээдэгээ
Зөөлөн салхины урсгалд биесээ шүргээд найгах
Зөндөө олон моддын дор чамайгаа санаж хүлээдэгээ
Сэргэлэн горхины чимээнд сэтгэлийн үүлэн нүүсэн
Сэрүүн сарны чөлөөнд чамайгаа би санадагаа
Ай Урсан өнгөрөх хоногуудад сэтгэлээ чилээж санадагаа
Угтан ирэх өдрүүдийг итгэлээр сүлж хүлээдэгээ
