Туркийн "Хориотой жимс" хэмээх утга зохиолын сэтгүүлийн Дэлхийн яруу найргийн өдөрт зориулсан энэ оны гуравдугаар сарын дугаарт "Орчин үеийн Монголын яруу найраг" нэртэй булан нийтлэгджээ. "Хориотой жимс" сар тутмын сэтгүүлийг "Komşu" буюу "Хөрш" хэвлэлийн газраас эрхлэн гаргадаг бөгөөд үүсгэн байгуулагч нь зохиолч Энвэр Эркан юм. Мөн түүний байгуулсан Яруу найраг Орчуулгын академи нь олон улсын яруу найргийн цоморлог эрхлэн хэвлүүлдэг бөгөөд удахгүй Монголын яруу найргийн антологийг эрхлэн гаргахаар ярилцаж байгаа ажээ. Ийнхүү энэ жил 15 жилийн ой нь тохиож буй тус сэтгүүлд Монголын яруу найрагч Д.Нямсүрэн, О.Дашбалбар, Г.Мэнд-Ооёо, М.Уянсүх, О.Цэнд-Аюуш нарын бүтээлийг, доктор Б.Магсаржавын өмнөтгөл танилцуулгатайгаар турк хэлнээ нийтэлжээ.
Д.Нямсүрэнгийн "Амитаба", О.Дашбалбарын "Салхиар ганхах цагаан өвсөнд…", Г.Мэнд-Ооёогийн "Анхны бүтээл", М.Уянсүхийн "Сондгой өнцөгт ертөнц", О.Цэнд-Аюушийн "Намар" зэрэг бүтээлүүдийг Туркийн яруу найрагч, орчуулагч Месүт орчуулгыг хийсэн байна.
О.НАРАН
