Сүүлийн үед Холливууд төдийгүй олны танил бүсгүйчүүд ч нэгэн зэрэг хоёр цүнх барих болсон нь их харагдах боллоо. Яагаад гэж үү?
2015 онд загвар өмсөгч Хлоя, Фенди нар хүчээ аваад буй энэхүү шинэ трендийг эхлүүлжээ. Өдгөө А зэрэглэлийн одод бүгд л хоёр цүнхтэй явах болов. Үүрдэг цүнхээ үүрч, гар цүнхээ барьсан одод илүү чинээлэг байдлыг илтгэдэг гэнэ. Гвинет Пэлтроугаас Пиппа Миддлтон, Эмма Уатсон зэрэг олын танил бүсгүйчүүд хоёр цүнхээр гоёжээ.
Бүсгүйчүүдийн нүдээ унагадаг зүйлсийн нэг бол цүнх билээ. Ялангуяа алдартай дизайнер, брэндийн цүнхийг авахын тулд нэгдүгээрт та алдартай байх хэрэгтэй, хоёрдугаарт мэдээж мөнгөө төлнө. Эмэгтэй хүний гоёл болсон цүнхнүүд тэр тусмаа оддын цүнх өндөр өртөгтэй.
Тухайлбал, дуучин Рианнагийн барьсан Диорын цүнх 5050 паундын үнэтэй бол бүхний дурладаг Гермес Биркини цүнх 7000 паунд байх жишээтэй. Харин Кембрижийн гүнж Кейтийн төрсөн дүү Пиппа Миддлтоны LK Bennett цүнх 250 паундын үнэтэй зэргээр ялгаатай.
Энэ хэрээр одод өөрсдийн бэл бэнчинг “гайхуулдаг” аж. Нэгэн зэрэг хоёр цүнх барих болсон өөр нэгэн шалтгаан бий. Гермес, Хлоя, Валентино зэрэг брэндийн цүнхнүүд маш жижиг, багтаамж муутай тул ганц уруулын будаг хийгээд л цүнх дүүрдэг “гэмтэй”. Ийм учраас ахин нэг том хэмжээтэй цүнх барих шаардлага гардаг ч байж болох гэнэ шүү.
И.МӨНХЦЭНГЭЛ
Эх сурвалж: www.zone.mn
