Дэлхий нийтээр жил бүрийн тавдугаар сарын 15-ыг “Гэр бүлийн өдөр” болгон тэмдэглэдэг уламжлалтай. Тэгвэл энэхүү өдрийг тохиолдуулан Mонголын Үндэсний Музей, Гэр бүл, Хүүхэд, Залуучуудын Хөгжлийн газартай хамтран энэ сарын 15-нд музейд нь зочилсон хүн бүрт үзмэрээ үнэгүй үзүүлэхээр болжээ. Монголын үндэсний музейн үзмэрийн танхимаас монгол нутагт хүн анх аж төрөх болсон хуучин чулуун зэвсгийн үеэс эдүгээ хүртэлх нүүдэлчдийн түүх, соёл, өв дурсгал, угсаатны зүй, уламжлалт зан заншлыг товчлон үзэх боломжтой аж. Түүнчлэн нийт 56 мянган үзмэр музейн сан хөмрөгт хадгалагддаг байна.
Н.Батзаяа
