Францын Канн хотноо олон улсын кино наадам 70 дахь удаагаа нээлтээ хийлээ. Бүрэн хэмжээний 2000 орчим киноноос кино наадмын комисс энэ удаад үндсэн шалгаруулалтанд оролцуулахаар 50 орчим киног шалгаруулан авчээ.
Каннын анхны кино наадам Францын Номин эрэгт 1946 онд болж байлаа. Тэр үед хамгийн шилдэг найруулгатай киноны шагналыг дайны жилүүдэд зургийг нь авсан “217 номерын хүн” киноны найруулагч Михаил Ромм хүртэж байсан бол шилдэг өнгөний шийдэлтэй киноны шагналыг Александр Птушкогийн “Чулуун цэцэг” кино авч байжээ. Тухайн үед кино наадмын Гран-при шагналыг Фридрих Эрмлерийн Сталинградын дайчдын тухай өгүүлдэг “Их эргэлт” кино хүртэж байв. Тус кино наадам хоёр удаа буюу 1948 болон 1950 онд төсвийн мөнгө хүрэлцээгүйн улмаас тасалдсан байна.
Энэ дашрамд дуулгахад Каннын кино наадамд Монгол Улсаас "Монгол филм" продакшн "Чингисийн хүүхдүүд", "Guru media" продакшн "Хэвтрийн хүн" киногоороо нэр дэвшин оролцож байгаа юм. Түүнчлэн "Дижитал контент" компанийн хамт олон 100 гаруй киног олон улсын зах зээлд танилцуулан оролцож байгаа юм.
