Монголын соёл судлалын холбоо, МУИС-ийн ШУС-ийн Хүмүүнлэгийн ухааны салбарын Философи, шашин судлалын тэнхэмээс санаачлан зохион байгуулдаг “Соёл судлаачдын үндэсний Х семинар”-ыг 2017 оны 05 дугаар сарын 19-ны өдөр буюу өнөөдөр зохион байгуулж байна. Энэ удаагийн семинарыг НСУГ-ын 80 жилийн ойн хүрээнд хамтран зохион байгуулж байгаа бөгөөд гадаад дотоодын 50 гаруй эрдэмтэн, судлаачдын эрдэм шинжилгээний бүтээл, илтгэлүүд тавигдаж байгаа юм.
“Соёл судлаачдын үндэсний семинар” 1998 оноос эхлэн зохион байгуулагдаж байгаа бөгөөд өмнөх семинаруудаар нийт 400 гаруй бүтээлийг олон нийтийн хүртээл болгосон байна.
“Соёл судлаачдын үндэсний Х семинар” дараах салбар чиглэлээр явагдана.
– Соёлын философи, соёлын түүх ба онол;
– Соёлын удирдлага, соёлын үйлдвэрлэл, хотын соёлын судлагдахуун;
– Боловсрол судлал, заах арга;
– Угсаатан судлал, шашин судлал;
– Хэл шинжлэл, урлаг судлал;
“Соёл судлаачдын үндэсний Х семинар”-т ХБНГУ-ын эрдэмтэн Фогт.М.Т оролцож байгаа бөгөөд СББӨ-ийн чиглэлээр соёлын салбарын ажилтнуудад шинэ мэдлэг, мэдээлэл өгч байгаагаараа онцлог юм. Дашрамд дуулгахад “Соёл судлаачдын үндэсний семинар” нь мэргэжлийн судлаачид, соёлын салбарын ажилтнууд болон залуу судлаачдын индэр болж ирсэний хувьд тэдний хүсэн хүлээж байдаг арга хэмжээ ажээ.
Нийслэлийн Соёл, урлагийн газар
