Энэ жилийн Канны кино наадмын “Алтан навч” дээд шагналыг Шведийн найруулагч Рубен Эстлунд “The Square” киногоороо хүртлээ. Тус кино нь орчин үеийн урлагийн музейд ажилладаг, хоёр охинтой ганц бие аавын тухай өгүүлдэг ажээ.
Мөн Канны кино наадмын “Гран-при” шагналыг францын найруулагч Робен Кампийо “120 battements par minute” киногоороо авав. Киноны гол дүр нь ДОХ-оор өвчилсөн хүмүүсийн асуудлыг авч хэлэлцэхгүй байгаа нийгмийг эсрэг тэмцэж буй залуугийн тухай өгүүлдэг. Энэхүү кино нь амьдралын бодит түүх дээр үндэслэсэн ажээ.
Канны кино наадмын “Дэлгэцийн шилдэг бүтээл” болон “Шилдэг жүжигчин” хэмээх хоёр шагналыг Их Британийн кино найруулагч Линн Рэмсийн “You Were Never Really Here” кино хүртжээ. Энэхүү кино нь харгис алуурчны амьдралын түүхийг өгүүлнэ. Киноны гол дүрийн алуурчин даалгавараа биелүүлж яваад тухайн улсын улс төрчдийн цэнгээний газарт бие үнэлэгчдийн далд сүлжээ байгааг олж илрүүлдэг.
Үүний зэрэгцээ, тус кино наадмын тусгай шагналыг жүжигчин Николь Кидман хүртсэн ажээ.