Монголчууд бид олон улсын хэмжээний стандартад нийцсэн монгол контентоо хүлээн авч үзээд даруй гурав орчим жил болж байна. Үүний эхлэлийг “Монгол телевиз” ХХК-ийн 2015 онд “Авьяаслаг Монголчууд” шоугаар тавьсан юм. Энэ цаг мөчөөс хойш монголчууд бид “The Voice”, “Shark tank”, “Яг түүн шиг” / Your Face Sounds Familiar /, “Зөн билгийн тулаан” /Britain’s Psychic Challenge/, “Mongolian Next Top Model” зэрэг дэлхийн хэмжээнд зэрэглэл, үзэгчдийн тоо, төсөв, цар хүрээгээрээ эхэнд бичигдэх олон шоуг хүлээж авч үзэж байна. Энэ нь монголын телевизийн салбарыг дэлхийн түвшинд хөгжих үүд хаалгын нээсэн гэж хэлж болно.
Үүнтэй холбоотойгоор бид 2017 он хүртэл нэгэн цагт телевизийн эфирийг байлдан дагуулж байсан шилдэг шоунуудыг танилцуулж байна.
1. Survivor
Survivor – Их Британийн продюсер Чарли Парсонсийн бүтээл 1992 онд анх үзэгчдийн хүртээл болсон. Энэхүү шоуг Шведийн телевиз 1997 онд эх орондоо албан ёсоор зохион байгуулснаас хойш өнөөдөр дэлхийн олон улсад зохион байгуулагдаж байгаа ажээ. Шоуны оролцогчид хоол хүнс, хэрэгцээт зүйлээр хангадсан тусгаарлагдсан газарт байршиж, шагналын төлөө өөр хоорондоо тэмцэлддэг.
2. American Idol
American Idol нь АНУ-ын хамгийн чансаа өндөртэй шоу. Энэхүү шоуны зорилго бол супер одыг илрүүлэх явдал юм.
3. The Bachelor
The Bachelor – Америкийн шоу нь 2002 онд ABC телевизээр гарч эхэлсэн. Тус нэвтрүүлгийн продюсераар Майк Флейс, харин найруулагч нь Кен Фукс ажиллаж байна.
4. Newlyweds: Nick and Jessica
Newlyweds: Nick and Jessica : Америкийн MTV телевизийн бүтээл. Энэхүү шоу нь тухайн үеийн эхнэр нөхөр Ник Лаше болон Жессика Симпсон нарын амьдралыг өгүүлдэг. Шоу нь 2003 оны наймдугаар сараас олон нийтийн хүртээл болсон. Залуу хос “шилдэг реалити-шоу” төрөлд People’s Choice Award шагналыг хүртсэн удаатай.
5. Project runway
Project runway – Америкийн Lifetime телевизээр гарч буй хувцас загварын шоу. Оролцогчид тодорхой цагт, өгөгдсөн материал, сэдвийн дор хамгийн шилдэг хувцасыг бүтээн өрсөлддөг ажээ.
6. The Real Housewives of Orange County
The Real Housewives of Orange County: 2006 оноос Америкийн Bravo телевизээр гарч эхэлсэн шоу. Шоу нь Калифорни мужийн Оринж тойрогт амьдарч буй гэрийн эзэгтэй нарын тухай өгүүлнэ.
7. Jon & Kate Plus 8
Jon & Kate Plus 8 : Америкийн телевизийн реалити-шоу бөгөөд Жон болон Кэйт болон тэдний найман хүүхдийн амьдралын тухай өгүүлдэг. Тус шоу нь 2007 оноос эхлэн Америкийн телевизээр гарч байна.
8. Jersey shore
Jersey shore: 2009-2012 оны хооронд MTV телевизээр гарч байсан Америкийн шоу. Тус шоунд Жерси мужид амралтаа өнгөрүүлж буй найман хөршийн тухай өгүүлдэг.
9. The Osbournes
The Osbournes– Оззи Осборн болон түүний гэр бүлийн амьдралын тухай өгүүлэх Америкийн шоу. Шоу нь 2002 оноос MTVтелевизээр гарч эхэлсэн. Энэхүү шоу нь MTV телевизийн түүхэнд дэх хамгийн их үзэлттэй шоугаар тодорч байв. Шоуны сүүлийн дугаар 2005 онд гарчээ.
10. The Hills
The Hills: 2006-2010 оны хооронд Америкийн MTV телевизээр гарч байсан шоу. Энэ шоу нь Лос-Анжелес хотод амьдардаг гэргийн эзэгтэй нарын мэргэжлийн амьдралын тухай өгүүлнэ.
Бэлтгэсэн: Ц.УРАН
