Эх орноо Дэлхийн мисст төлөөлөх охидын сонгон шалгаруулалт өнөөдөр дуусч, үндэсний ялагч тодорлоо. Есөн гоо бүсгүйгээс Цэвээндашийн Энхжин шалгарч Монгол Улсыг "Дэлхийн мисс-2017" тэмцээнд төлөөлөхөөр боллоо.
Ц.Энхжин нь Их Британийн Кэмбрижийн Их Сургуулийн Урлагийн сургуулийг интерьер дизайны чиглэлээр нэг дүгээр зэрэглэлтэй төгссөн. Мөн Италийн алдарт Флоренц хотын Дизайны Их сургуульд бүтээгдэхүүний дизайны чиглэлээр магистр хамгаалсан. Одоогоор өөрийн үүсгэн байгуулсан "Eden Desig" компанидаа олон улсын мэргэжилтнүүдээр баг бүрдүүлэн ажилладаг. байна. Дизайны мэргэжлийн давуу талаа ашиглан хөрсний бохирдлыг шийдэхэд бодитой хувь нэмрээ оруулна Тэрбээр "Би ялагч болсондоо баяртай байна. Намайг дэмжиж байсан гэр бүлийнхэн, хамаатан садан, найз нөхөд, ажлынхандаа маш их баярлалаа. Энэ тэмцээнд түрүүлснээр эхлэл маань тавигдаж байна. Дараагийн урт аялалдаа өөрийнхөө хүч чадлыг бүрэн дайчлан дэлхийн титмийг эх орондоо авч ирэхийн тулд хичээн оролцох болно.
Хөрсний бохирдлыг үүсгэж буй гэр хорооллын айлуудын модон 00 болон хөдөө орон нутгийн цэцэрлэг, сургуулиудын модон 00-ийг эко болгох ажлыг бодитой хэрэгжүүлнэ. Дизайны мэргэжлийн давуу талаа ашиглан хөрсний бохирдлыг шийдэхэд бодитой хувь нэмрээ оруулна" хэмээн сэтгэгдлээ хуваалцлаа.
Ц.Энхжингийн амжилтууд:
"Хаврын Гоёл 2010"-ын шилдэг загвар өмсөгч
Мiss Globe International 2010 тэмцээний Олны таашаалт мисс
Miss Friendship International 2010 тэмцээний дэд мисс, Дур булаам мисс
Supermodel International 2012 шилдэг 6-д орсон
Miss Mongolia 2015 дэд мисс, мисс спорт болж байсан.
“Miss World 2017” тэмцээнд оролцох Монгол бүсгүйг тодруулах тэмцээний албан ёсны зохион байгуулагчаар Asian Future ХХК ажиллалаа.
