Бүгд Найрамдах Солонгос Улс, Монгол Улсын Засгийн газрын хооронд байгуулсан хамтын ажиллагааны хүрээнд "Койка" олон улсын байгууллагатай Дархан сумын 9 дүгээр сургууль хамтран “Хүүхэд хөгжлийн төв- Номын сан” төслийг амжилттай хэрэгжүүлж өчигдөр нээлтээ хийлээ.
Энэхүү төслийн хүрээнд нийт 30 сая төгрөгийн хөрөнгө оруулалт хийгдэж 24 хүүхдийн суудалтай сургалтын танхим, уншлагын 8 кабин, сүүлийн үеийн компьютер, 400 орчим номтой номын сантай болж сурагчид ая тухтай орчинд мэдлэг боловсролоо дээшлүүлэх боломжтой болсон байна.
