Монгол телевиз дэлхийн шилдэг шоу нэвтрүүлгүүдийн нэг “The Voice”-ыг албан ёсны эрхтэйгээр эх орондоо анх удаа зохион байгуулж байна. The VOICE Of Mongolia шоуны эхний шат энэ сарын 8,10, 12,14-ний өдрүүдэд явагдаж байна. Энэ нэвтрүүлгийн шүүгчдийг зарлалаа. МУУГЗ С.Ононбат, МУГЖ Д.Отгонбаяр, Монгол Улсын төрийн соёрхолт, Д.Болд, дуучин Д.Уламбаяр гэсэн бүрэлдэхүүнтэй шүүгчид шилдэг авьяастнуудыг шалгаруулах юм байна.
"The VOICE Of Mongolia" шоу нээлттэй шалгаруулалт, телевизээр гарах эхний шат буюу сонсох шат, Халз тулаан, Хагас шигшээ амьд тоглолт, Финал буюу эцсийн шалгаруулалт гэсэн үе шаттайгаар явагдах аж.
