Рок поп урлагийн акулууд хэмээн нэрлэгддэг “Хурд” болон “Никитон” хамтлагийн уран бүтээлчид цуглаж, хуралдсан тухай зургаа өөрсдийн цахим хуудсанд хэд хоногийн өмнө оруулсан нь сонсогч, фенүүдийнхэн анхаарлыг ихэд татсан. Тэгвэл тэд өнөөдөр бас дахин хуралдаж, нэгэн таатай мэдээллийг хамтдаа авхуулсан зурагны хамт цахим хуудсандаа нийтлэжээ.
Тодруулбал өнөөдрийн мэдээлэлдээ тус хамтлагууд хамтарсан “Нүргээн” нэртэй нүсэр тоглолтоо ирэх 12-р сарын 9,10-нд хийхээр болсоноо нийтлэжээ. Ямартай ч тэд хамтран тоглох болсон нь тодорхой болсон бөгөөд тун удахгүй илүү дэлгэрэнгүй мэдээллийг сонсогч фенүүддээ хүргэх бизээ.
