Соёл, урлагийн газраас “Монгол киноны өрсөлдөх чадвар” кино уран бүтээлчдэд зориулсан сургалт, семинарыг 2018 оны 05 сарын 24-ний өдөр өөрийн байрны хурлын танхимд зохион байгууллаа.
Тус сургалт, семинар кино уран бүтээлчдийн хууль, эрх зүйн мэдлэгийг нэмэгдүүлэх, төрийн бодлого, хөтөлбөр, хууль тогтоомжийг танилцуулах, хэрэгжилтийн явцад тэдний үүрэг оролцоог нэмэгдүүлэх, хамтын ажиллагааг бэхжүүлэх зорилготой байлаа. Тус сургалт, семинарыг нээж Соёл, урлагийн газрын дарга Г.Эрдэнэбат үг хэлсэн юм.
Дараах сэдвийн хүрээнд илтгэл тавигдлаа:
- “Монгол Улсын хөгжлийн үзэл баримтлал 2030 он” Г.Эрдэнэбаяр / Үндэсний хөгжлийн газрын Салбарын бодлого зохицуулалтын хэлтсийн дарга/
- “Төрийн бодлого, хөтөлбөрийн хэрэгжилт ба кино урлаг” /Г.Батхуяг / Соёл урлагийн газрын Урлаг, уран бүтээлийн хэлтсийн дарга/
- “Монгол улсын гадаад сурталчилгаанд кино бүтээлийн гүйцэтгэх үүрэг” / Х.Мандахцэцэг / Гадаад харилцааны яамны Гадаад сурталчилгаа, соёлын харилцааны газрын дарга/
- “Кио урлаг ба оюуны өмч” Э.Мягмардорж /Оюуны өмч улсын бүртгэлийн ерөнхий газрын Зохиогчийн эрхийн газрын дарга/
- “Соёлын өвийг кино уран бүтээлд ашиглах боломж” Г.Энхбат / Соёлын өвийн үндэсний төвийн захирал/
- “Өргөн нэвтрүүлэг ба Монгол киноны нийлүүлэлт” Ц.Энхбаяр / Харилцаа холбооны зохицуулах хорооны Мэдээллийн агуулга, чанар стандартын зохицуулалт, мониторингийн хэлтсийн дарга/
- “Соёлын үйлдвэрлэл” хөтөлбөрийн хүрээнд кино хотхон байгуулах боломж” А.Мөнхболд / Үндэсний хөгжлийн газрын Судалгаа, шинжилгээний албаны дарга/
- “Кино зураг авалтад тавигдах дүрсний олон улсын шаардлага” У.Гантулга / Чөлөөт уран бүтээлч/
- “Кинонд тавигдах дууны шаардлага, бүтцийн онцлог” H.Баярхүү / Тайм код кино үйлдвэрлэлийн дараагийн шатны студи, хөгжмийн зохиолч, хөгжмийн инженер, миксинг инженер/
- “Кино театрт кино гаргах техникийн шаардлага DCP” Б.Мөнхнасан / Өргөө кино театрын, ерөнхий инженер/зэрэг сэдвээр илтгэл тавьж “Кино уран бүтээлчдэд тулгарч буй асуудал” сэдвээр хэлэлцүүлэг хийж, санал бодлоо солилцлоо.
“Олон улсын болон дотоодын кино салбарт хамтарсан төсөл хэрэгжүүлэх боломжууд” Д.Цэнгэл / Соёл урлагийн газрын Дэлгэц, медиа урлагийн бодлогын хэрэгжилт хариуцсан мэргэжилтэн/ сэдвээр танилцуулга хийснээр уг сургалт, семинар өндөрлөсөн юм.
