Өнгөрсөн бямба гаригт "Бумбардай" цувралын "Сүүн цацал" нэртэй зургаа дахь зурган номын нээлт боллоо. “Нүүдлийн Зурган Өгүүлэмж” ТББ-ын захирал, комикс зураач, “Бумбардай” цувралын зохиолч Н.Эрдэнэбаярын ярьснаар, энэ дугаартаа нүүдэлчид зөвхөн нүүгээд л байдаггүй, тэд бүтээлч хүмүүс гэдгийг харуулахыг хичээжээ.
“Сүүн цацал” номонд Өндөр гэгээн Занабазарын тухай, нүүдэлчдийн эртнээс уламжилж ирсэн уран дархантай холбоотой зүйлүүд ч гардаг бөгөөд Ногоон Дарь эхээс эхлээд дэлхийд хосгүй олон бүтээл багтаасан байна. Мөн “Сүүн цацал” номд Сарьдагийн хийдийн тухай өгүүлжээ.
Д.ТУЯА
