Боловсрол, соёл, шинжлэх ухаан, спортын яамны Соёл, урлагийн бодлогын газрын дарга Б.Сэргэлэн ОХУ-ын ШУА-ийн Дорно дахины судлалын хүрээлэнгийн орлогч захирал, Монгол Улсын Соёлын элч, Монгол соёл иргэншлийн өнгө төрх сангийн тэргүүн А. С.Железниковийг хүлээн авч уулзлаа.
ОХУ-ын ШУА-ийн Дорно дахины судлалын хүрээлэнгийн 200 жилийн ой энэ онд тохиож буй. Ойн хүрээнд тус хүрээлэнгээс олон улсын эрдэм шинжилгээний их хурал зохион байгуулахаар төлөвлөсөн байна. Энэхүү их хурлын үеээр Монгол судлалын салбар хуралдааны хүрээнд “Монгол соёл иргэншил Оросын дорно дахины судлалын анхааралд” сэдвээр илтгэл тавигдана. Тиймээс илтгэлд Боловсрол, соёл, шинжлэх ухаан, спортын яамнаас төлөөлөгч оролцуулах саналыг А. С.Железников албан ёсоор хүслээ.
