Хөгжмийн зохиолч, төгөлдөр хуурч Б.Чинбат "Хязгааргүйн цаана" бие даасан тоглолтоо толилуулахаар товоо зарлалаа. Тэрээр 2011 онд анхны бие даасан тоглолтоо "Давтагдашгүй" нэртэйгээр эгшиглүүлэн 2012 онд "Эзлэн" зэрэг бие даасан тоглолтуудаа амжилттай хийж байсан юм.
Харин энэ удаад өөрийн гурав дахь бие даасан тоглолтоо зургаан жилийн дараа "Хязгааргүйн цаана" нэртэйгээр энэ сарын 21, 22-нд 19:00 цагаас, 9-р сарын 23-нд 18:00 цагт "Corporate Convention Centre"-ийн концертын танхимд хийхээр болжээ. Тоглолтын ерөнхий зохион байгуулагчаар "One music" продакшн, "ON'n &OFF" продакшн ажиллаж байна.
<img alt="Б.Чинбат " Хязгааргүйн="" цаана”="" бие="" даасан="" тоглолтоо="" толилуулна"="" class="img-responsive" data-cke-saved-src="http://cdn.eagle.mn/uploads/userfiles/images/40418445_10215209649708739_3766627438885339136_n.jpg" src="http://cdn.eagle.mn/uploads/userfiles/images/40418445_10215209649708739_3766627438885339136_n.jpg" style="border:0px; box-sizing:border-box; display:block; height:540px; max-width:100%; vertical-align:middle; width:960px">
Тоглолтонд хөгжмийн зохиолч Б.Чинбатын зохиосон шинэ, шилдэг дуу, хөгжмийн бүтээлүүдээс гадна хөгжмийн найруулагчаар ажилласан олон дуунууд тоглогдох нь ээ. Мэдээж Чинбаа төгөлдөр хуур хөгжмийн гоцлол бүтээлүүдээр үзэгч, сонсогчдынхоо оюуны сонорыг мялаана.
Харин тоглолтонд, Монголын сонгодог болон ардын урлагийн дуучид, бүжигчид, үндэсний язгуур урлагийн хөгжимчид, рок поп урлагийн шилдэг хамтлаг, дуучид, хөгжимчид оролцож, хөгжимлөг гурван үдшийг үзэгчдэд бэлэглэх гэнэ.
Тодруулбал, Чингис хаан одонт, Гавьяат жүжигчин, дуурийн дуучин Г.Ариунбаатар, Гавьяат жүжигчин Д.Жаргалсайхан, уртын дуучин Б.Мөнхбаатар, "Хурд" хамтлагийн гитарчин Д.Отгонбаяр, Урлагийн гавьяат зүтгэлтэн, хөгжмийн зохиолч Л.Балхжав, "Никитон", "Sweetymotion", "S4" хамтлаг, поп дива С.Наран, уртын дуучин Б.Батцэцэглэн, дуучин Б.Замбалгарав, И.Мишээл, Софиа, Монгол Улсын Үндэсний урлагийн их театрын Үндэсний төрийн их найрал хөгжим, удирдаач Н.Буянбаатар, ятгын хатан хаан Ч.Мөнх-Эрдэнэ оролцоно. Мөн монголын рок поп урлагийн шилдэг хөгжимчид, бөмбөрчин Одбаяр, Батцэцэг, гитарчин Батбилэг, Алтангэрэл, ёочин хөгжимчин Н.Шүрэнцэцэг, ятгачин Номуунаа, “Хөсөгтөн” хамтлагийн лимбэчин Адъяадорж, Чулуунбат, Монгол Улсын Филармони, Улсын Дуурь бүжгийн эрдмийн теартын хийлчид мөн Чинбаагийн эгч Америкийн "Ringling Brothers Barnum Bailey" циркийн жүжигчин, бүжигчин Б.Гэрэлчимэг нар оролцох нь ээ.
Эх сурвалж:Eagle.mn
