Реппер найз 2 Chainz-ийнхээ хуриманд багадсан сандаалаар гангарч ирсэн Кенье Уэстийн зураг сошиал ертөнцөд шуугиан тарьснаас хойш 14 хоног өнгөрчээ. Тэгвэл түүний Louis Vuitton брэндийн Yeezy загварын маш үнэтэй хэдий ч өөрийнхөө хөлд багадсан сандаалын тухай шуугиан дөнгөж намжсан даруй Кенье Уэст ингэж гангарсан шалтгаанаа тайлбарлалаа. Тэрээр өөрийн Твиттер хуудсаараа дамжуулан “Япон маягаар” гэсэн товч бөгөөд тодорхой тайлбарлан, зургийн хамт нийтлэжээ. Түүний оруулсан япон сандаалын дор “Хөлийн өсгий сандаалны модон улнаас 1-2 см илүү гарсан байна” буюу япон модон гутлыг хэрхэн зөв өмсөх талаар тайлбарласан тайлбартай байгаа юм.
Багадсан гутлаар хуриманд гангарч Кенье Уэстийн талаарх шуугиан дөнгөж намжихтай зэрэгцэн ийнхүү тайлбар хийж буй нь түүнийг сошиал ертөнцийг донсолгож, олны анхааралд өртөх дуртай нэгэн гэдгийг баталж байна хэмээн шүүмжлэгчид олон байна.
Эх сурвалж: eagle.mn
