Энэ сарын 04-нөөс 23-ны өдрүүдэд Английн Лондон хотын “Somerset House”-т “London Design Biennale 2018” үүд хаалгаа нээгээд байгаа юм. Монголын павильон дахь “Ноолуурын үүл” 2018 оны Лондонгийн загварын Biennale-ийн гол үзмэрүүдийн нэг болоод байгааг тус улсын хэвлэлүүд болон олон нийтийн сүлжээнд онцолжээ. Мөн Грекийн кинетик суурилуулалт олны анхаарлыг татаж байгаа гэнэ.
Монголын павильоныг ажиллуулж буй дизайнер Ц.Оюунаа Монголын брэнд ноолуурын танилцуулгыг өвөрмөц аргаар хийжээ. Тэрээр 40 килограмм ноолуурыг шилэн хорго хананд хийсэн бөгөөд үзэгчид уг шилэн хананы нүхээр гараа хийж ноолуурыг барьж үзэж болох аж. Ийнхүү ноолуурыг барьж үзэхэд үүл барьж үзэж байгаа мэт мэдрэмж төрөх юм байна. Ноолууран үүл, Ноолууран хана гэж нэрлэсэн энэ бүтээлээрээ дизайнер Ц.Оюунаа өрнөдөд нүүдэлчдийн уламжлалт соёл, хувцас өмсгөл, өвөрмөц ахуйг танилцуулахыг зорьжээ.
Энэ жилийн “London Design Biennale 2018”-д 40 гаруй орны дизайнерууд бүтээлээрээ оролцож байгаа аж.
.jpg)
.jpg)
eagle.mn
