Монголын Үндэсний Кино Урлагийн Академиас зохион байгуулдаг "Академи авардс-2018" шагнал гардуулах ёслол хүндэтгэлийн ажиллагаа есдүгээр сарын 28-нд "Зайсан Хилл" -д болох гэж байна.
“Монголын Үндэсний Кино Урлагийн Академи” нь одоогоос 10 жилийн өмнө Монгол улсад кино урлагийг хөгжүүлэх, Монгол киног дэлхийн түвшинд хүргэж, Кино урлагийн салбарт ажиллаж буй залуу уран бүтээлчдийг дэмжих, дэлгэцийн бүтээлээр дамжуулан үндэсний соёл, түүхийг олон нийтэд таниулах, соён гэгээрүүлэх зорилготойгоор байгуулагдсан юм.
Энэ жилийн наадмын хувьд дэлгэцэнд гарсан даруйдаа үзэгчдээс өндөр үнэлгээ авсан бүтээлүүд өрсөлдөн Академи авардс"-ын шилдгээр тодрох билээ.
