Нийслэлийн шинэ жилийн баярын үйл ажиллагааг зохион байгуулах ажлын хүрээнд 2018 оны 12 дугаар сарын 31-ний өдрийн 22:00-01:00 цагийн хооронд төв талбайд болох шинэ жилийн баярын үйл ажиллагааны дараа иргэдийг нийтийн тээврийн үйлчилгээгээр хангахаар дараах төлөвлөлтийг Нийслэлийн тээврийн газраас гаргажээ.
Үүнд: “Улаанбаатарын мөнгөн шөнө” шинэ жилийн баярын үйл ажиллагаа өндөрлөхөд их багтаамжийн автобусны 18 чиглэлд 18 автобус Д.Сүхбаатарын талбайн баруун, зүүн болон урд зогсоол буюу зурагт тэмдэглэсэн “А”, “B”, “С” зогсоолоос суурьшлын цэгүүд рүү үнэ төлбөргүй үйлчлэхээр төлөвлөсөн байна.
Нийтийн тээврээр үйлчлүүлэгч иргэд та бүхэндээ шинэ оны мэнд хүргэж сайн сайхныг хүсье гэж нийслэлийн Тээврийн газраас мэдээллээ.
