“Youtube” суваг дээр нийтэлсэн хоёрхон уран бүтээл нь 20 сая давсан хандалттай (долоон сарын хугацаанд) монгол хамтлаг байна. Үр дүнгийн эзэд нь мэдээж The HU-гийнхан юм. Тэд рок урсгалын фенүүдийг төдийгүй энэ хэмнэлийг таашаадаггүй залуусыг ч өдрөөс өдөрт өөрсдөдөө уусгаж буй “шидтэн”-гүүд билээ. Тэгвэл “The HU”, “Lost on you” дуугаараа дэлхий нийтэд танигдсан алдарт дуучин “LP” буюу Лаура Перголиззитэй хамтарч дуу хийжээ.
“The HU” хамтлаг нь хоёр сарын өмнө цацаж байсан “Mother nature” буюу “Байгаль эх” дуугаа Америкийн алдарт дуучинтай шинэчлэн дуулсан байна.
