Одоогоос тавин жилийн өмнөх наймдугаар сарын нэгэн өдөр Холливудын хонгорхон бүсгүй, шаргал үст Мерлин Монро нас барсан тухай шуугиант мэдээ Америкийн бүх сонинуудад нийтлэгджээ. Мерлин Монрог дэлхий дээрх хамгийн тачаангуй бүсгүй, секс бэлэг тэмдэг хэмээж байсан. Гэвч зохиолч Мишель Морган түүнийг эрчүүдээс илүү хүүхнүүдэд татагддаг байсан тухай номондоо бичжээ. Мерлин Монро хэдийгээр гурван удаа гэрлэж, салсан ч түүний бэлгийн чиг хандлагын талаар цөөхөн хүн л мэддэг байжээ. Зохиолч Мишель Морганы номонд өгүүлснээр Мерлин Монро Холливудын сайхан хүүхнүүд Жоан Круфорд, Барбара Стэнвик, Марлин Диетрих, Элизабет Тэйлор нартай амрагийн харьцаатай байснаа хүлээн зөвшөөрдөг байсан гэнэ. Зохиолч Мерлин Монрогийн тухай “Мерлин Монро: Хувийн, хэний ч сонсоогүй нууц” хэмээх намтар зохиолдоо “Мерлин Монрогийн гэрлэлт дандаа бүтэлгүйтдэг байсан нь тэр өөртэйгээ адилхан хэн нэгнийг хайж байсантай холбоотой. Гэвч түүний бэлгийн чиг хандлага огт өөр байсан” гэжээ.
Н.Энх
