Үндэснийхээ үйлдвэрийн хувцасаар гоёх дуртай Рэппэр “GEE”-г танихгүй хүн үгүй бизээ. Тэрбээр брэнд хөөх дургүй гэдэг. Хүмүүс нэрд гарахаар л брэнд хөөж гангардаг тэгэх хэрэг байна уу даа хэмээн хэнэггүй хэлдэг энгийн нэгэн. Түүний өөрийнхөөрөө байдаг хэнэггүй зан нь түүнийг бусдаас ялгарах гол онцлог нь болдог болов уу.Үндэснийхээ үйлдвэрлэлийг сонгож хувцасладаг тэрбээр шаардлага гарвал Нарантуул захаас ч хамаагүй хэрэгцээнийхээ зүйлийг цуглуулдаг гэнэ. Ямар сайндаа л хүний хөгжлийн мөнгөө авахаар дугаарлаж зогссон түүнийг харсан зарим нэгэн “GEE” зогсож байна мөн үү хэмээжээ.
Тэднийг жиг жуг гэхийг сонссон тэрбээр би ч гэсэн монгол улсын иргэн мөн биз дээ. Улсаас өгч байгаа мөнгийг авалгүй яахав дээ. Ядаж л энэ мөнгөөрөө хүүхэддээ живх авч өгье дөө гэж хэлээд тэнд дугаарлаж зогссон ахмадуудын хайрыг татаж байсан удаатай. Саяхан тэрбээр Боловсрол суваг телевизийн “Та тавдугаар ангийн хүүхдээс ухаантай юу” нэвтрүүлэгт мэдлэгээ шалгуулжээ.Хөтлөгч түүнээс багадаа хэр сурч байсныг асуухад тэрбээр хэнэг ч үгүйгээр тавдугаар анги гэлтгүй арван жилдээ тааруухан сурдаг байсан. Юуг нь нуух вэ дээ хэмээн хэнэг ч үгүй хэлж зогссон. Тэгэхээр дуу дуулахад арван жилийн боловсрол чухал биш бололтой.
Э.Сувд
