Олон жил ханилсан Ванесса Парадигаас дөнгөж салсаны дараахан залуухан эмэгтэйтэй холбогдоод байсан Жонни Деппийн бодол өөрчлөгдсөн бололтой.
Жүжигчин эр Ванесса болон хоёр хүүхдийн хамтаар гэр бүлийн өдөр өнгөрөөхөөр Франц руу ниссэн байна. Хосууд хүүхдүүдээ бодож сайхан харилцаатай байхаар шийдсэн ч Жонни арай ихийг хүсч байж магадгүй юм.
Кино зураг авалтынхаа завсраар шинэхэн найз охин Амбер Хердтэй цагийг өнгөрөөхийн оронд тэрээр Ванессатай уулзан, түүнд эртний алтан зүүлт бэлэглэсэн байна. Зүүлтэн дээр “Би чамайг үргэлж хайрлах болно” гэсэн бичиг ч байсан гэнэ.
Тэдний гэр бүлийн нэгэн найз The Sun сонинд “Тэр хоёр хамтдаа байсан байгаагүй тэдний гэр бүл хүчтэй гэдгийг хүүхдүүддээ харуулахаар амралтын өдрийг хамтдаа өнгөрүүлж байгаа. Гэхдээ Жонни Ванессад ийм сэтгэл хөдлөм бэлэг өгсөн нь тэд дахин хамтдаа байхыг оролдоод үзэж магадгүй гэж санагдуулж байна. Жонни гэр бүлтэйгээ хамт байхыг хүсч байгаа, тэр маш гэр бүлсэг хүн шүү дээ. Хүүхдүүд нь түүний хувьд бүх юм нь гэсэн үг. Гэхдээ хосууд холливудын анхаарлаас хол, цагийг хүүхдүүдтэйгээ өнгөрөөхийг хүсч байгаа учир Францад байхаар шийдсэн юм” хэмээн ярьсан байна.
Ц.Мишээл
