Манай улсад арьс ширний үйлдвэрлэл эрхэлдэг Францын "Ростан" групп БОАЖЯ-тай хамтран бартаат замын эко аялал, олон улсын буухиа тэмцээн зохион байгуулах болсноо зарлалаа. Буухиа тэмцээнийг дугуй, морин, явган гэсэн гурван төрлөөр Тэрэлж-Горхийн чиглэлд хийх юм байна. Буухиа тэмцээн ирэх наймдугаар сарын 26-31-ний өдрүүдэд болох бөгөөд оролцогчид 30 км бартаат замыг туулснаар Сүхбаатарын талбайд өндөрлөж ялагчаа тодруулах аж. Тэмцээнийг байгальд хор хөнөөлгүй моторт төрөлгүйгээр зохион байгуулж байгаа учир "Эко тэмцээн" хэмээн онцолж байна гэж зохион байгуулагчид нь мэдээллээ.
Д.САР
