Америкийн алдарт дуучин Питтбуллийн тоглолт энэ сарын 21-нд Төв цэнгэлдэх хүрээлэнд болох байсан ч хойшилж, Монгол дахь фэнүүдийнхэээ сэтгэлийг гонсойлгосон. Тэгвэл тоглолтын зар дахин товлогдож, ирэх есдүгээр сарын 8-нд тоглохоор боллоо. Тоглолтоо ийнхүү хойшлуулах болсон нь хүндэтгэх шалтгааны улмаас ийм шийдвэр гаргасан гэж зохион байгуулагч хэлжээ. Тэрбээр шинээр товлосон хугацаандаа буюу ирэх есдүгээр сард гэрээ ёсоор ирж монголчуудад тоглолтоо толилуулахаар зохион байгуулагчид мэдээлсэн байна. Тоглолтын тасалбарыг зургадугаар сарын эхээр худалдаалж эхэлсэн юм. Тасалбарын үнийн хувьд аль хэсгээс үзэхээс шалтгаалж 30-50 мянган төгрөгийн үнэтэй байсан бол одоогоор тасалбар дууссан бөгөөд шагийн билет 100 мянган төгрөгт хүрсэн аж. Ямартай ч алдарт одын тоглолт сенсааци биш сүүлд товлосон хугацаандаа болно гэдэгт өнөөг хүртэл итгэх хүн ховор байна.
