“Бид очиж явна” тоглолт болно

Дуучин Д.Хишигбаяр, Р.Дэлгэрмаа, Л.Чулуунбаатар, Э.Оюумаа нарын нэгэн үеийн андууд орон нутагт аялан тоглолт хийж яваа. Тэднийг очсон газар бүрт нь халуун дотноор угтаж, тоглолт бүр нь үзэгчээр дүүрэн байгаа гэнэ. Саяхан Өврийн сайхан хангай нутгийн зон олонд ая дуугаа өргөсөн бол тун удахгүй Говь-Алтайн зүг хүлгийн жолоо залах юм байна.
Дөрвөн дуучны тоглолтын нэр “Бид очиж явна”. Энэ сардаа өмнө болон баруун аймгаар тоглох бол ирэх сарын эхээр зүүн аймгуудыг доргиох төлөвлөгөөтэй байгаа аж. Тэд аялан тоглолтоо өндөрлүүлсний дараа хамтарсан тоглолтоо нийслэл хотод хийхээр болжээ.