УИХ-ын 2012 оны сонгуулийн үр дүнд Засгийн газрыг АН болон ИЗНН, МАХНМ ҮАН-ын “Шударга ёс” эвсэл хамтран бүрдүүлэхээр болоод байгаа. Шинэ Засгийн газар байгуулагдах, сайдууд томилогдож дуустал яамдад ямар нэгэн өөрчлөлт, томилгоо хийхгүй байхыг Ерөнхийлөгч зарлиг болгожээ.
Тухайлбал, ГХЯ-нд ямар нэг өөрчлөлт, томилгоо, Элчин сайдыг томилох, эргүүлэн татах газар, хэлтсийн даргыг өөрчлөх зэрэг халаа сэлгээ хийхийг хориглосон зарлигийг Монгол Улсын Ерөнхийлөгчийн Гадаад бодлогын зөвлөх Л.Пүрэвсүрэн ГХЯ-нд очиж уншиж сонсгосон гэнэ.
