Уран бүтээлээ орхиод уул уурхайн салбарт хүч үзэхээр шийдсэнээ сүртэй нь аргагүй зарлаж явсан дуучин Б.Маралжингоо хүслээсээ урважээ. Урлагийн ертөнцөд гаргаж ирсэн продюссер Д.Болдоос нүүр буруулан энд тэндхийн тоглолтод халтуур хийж явах нь таалагдсан болохоор өөр шалтаг хайсан ч байж мэдэх юм. Юутай ч, сургууль соёлын мөр хөөгөөд завгүй яваа гэгдэж буй дуучин Б.Маралжингоо өдгөө хоёр дахь цомгийнхоо ажилд орсон гэнэ.
Тэрбээр дуучин Ж.Алтанцэцэгийн “Prosounds” студийн уран бүтээлчидтэй хамтарч ажиллаж байгаа бөгөөд цомгийн ажил нь эхлээд сар шахам хугацаа өнгөрч буй ажээ. “Нугасны муухай дэгдээхэй” хун болдог үлгэрийг бодит амьдрал дээр харуулан, гадаад төрхөө эрс өөрчилж байсан Б.Маралжингоо уран бүтээлээ үргэлжлүүлж, шинэ цомгоор уулзахдаа чухам ямар сюрприз барих бол гэдэг нь сонин. Юутай ч, шинэ дуундаа клип хийлгэх гээд өдөр шөнөгүй зураг авалтад орж байгаа гэнэ лээ.
Р.Есүй
