Д.ОДСҮРЭН “ТЕАТР ОСКАР” ГАРДЖЭЭ

Балетийн бүжигчин Д.Одсүрэнг шинэ үеийн шилдэг бүжигчин хэмээн зүй ёсоор үнэлдэг. Тэрбээр 2009 оноос хойш ХБНГУын Тюрингийн театрт гоцлол бүжигчнээр ажиллаж байгаа юм. Түүнийг эх орондоо ирснийг дуулаад өчигдөр 14.30 цагт утас цохилоо.

-Сайн явж ирэв үү. “Утасны анд” байна. Уран бүтээлийн ургац арвин уу?

-Баярлалаа. Сайн яваад, сайхан мэдээтэй ирлээ. ХБНГУ-д жил бүр зохион байгуулдаг “Театр Оскар” ёслолын ажиллагаа зургаадугаар сарын 24-нд болсон юм. Энэ хүндтэй ёслолоос бүжигчдэд олгодог “Театр Оскар”-ыг гардлаа.

-Баяр хүргэе. Ямар сайхан мэдээ вэ. Ийм шагнал хүртэнэ гэж төсөөлж байв уу?

-Үгүй. “Театр Оскар” ёслолын ажилла гаанд нэр дэвшсэн гэж мэдсэн ч ОХУ, ХБНГУ, Япон, БНХАУ зэрэг улсын шилдэг бүжигчид нэр дэвшсэн учраас шагнал хүртэнэ гэж бодоогүй. Би энэ ёслолын ажиллагаанд бүжиглэх ёстой байсан учраас л очсон юм.

-Ямар бүжиг бүжиглэсэн бэ?

-Манай театр зургаадугаар сарын 1-нд “Zeit tuntet” орчин үеийн бүжгэн жүжиг тавьж, би гоцолсон. Энэ бүжгэн жүжгийнхээ хэсгээс бү- жиглэсэн юм.

-Эх орондоо амрахаар ирсэн үү. Одоо та хаана явна вэ?

-Амарна бас ажиллана. Би Монголын модерн балетийн хөгжилд бага ч гэсэн хувь нэмэр оруулах хүсэлтэй байдаг. Тиймээс энэ удаа Европт алдартай балетмейстрийг урьж ДБЭТ-ын тайзнаа модерн балет тавиулах бодолтой байна. Балетмейстр Хюго Виэра энэ хүсэлтийг минь хүлээн авсан. Тэрбээр наймдугаар сарын эхээр Монголд ирж бүжигчидтэйгээ уулзаж, сонгоно.

-Тэр балетад Та бүжиглэх үү?

-Би Германы бүжигчинтэй хамт бүжиглэнэ.