Монголын анхны Facebook сонгууль амжилттай үргэлжилж байна. Facebook сонгуулиар Дуучин Болд, BX нарыг “Хэн нь илүү гуншаа вэ?” гэсэн асуулт доор өрсөлдүүллээ. Сонирхолтой нь дуучин BX “тулаанд” 58 хувийн саналаар тэргүүлсэн байна. Бид энэ удаагийн сонгуулиар хоёр дуучны нэр хүндэд халдах гэсэнгүй. Болд, BX хоёр бол Монголын рок поп хөгжмийн салбарт аль аль нь дорвитой уран бүтээл туурвиж, хүүхэд залуучуудыг байлдан дагуулсан томоохон уран бүтээлчид гэдэгтэй хэн ч маргах учиргүй. Харин сүүлийн үед залуучууд маань өөрсдийнхөөрөө байж, өөрсдийн байгалиас заяасан хоолойгоор дуулахын оронд хамраараа гунших “маяг” үзүүлэх болсон нь харамсалтай санагдсан тул ийнхүү хоёр дуучныг өрсөлдүүлэв. Заавал бусдыг дуурайх албагүй биз дээ. Ямартай “FaceBook” сонгуулийн дүнд та эргэлзэх хэрэггүй юм. Монголын анхны “FaceBook” сонгуулийг “Монгол Freezone” Facebook Page, Freezone.zindaa.mn сайт хамтран зохион байгуулж байгаа билээ. Та бүхэнд сонгуульд оролцохдоо facebook.com/Монгол Freezone хаягаар орж санал өгөх бөгөөд үр дүнг zindaa.mn сайтаас харах боломжтой.
Координатор: Zizo
