Арлын Япон оронд дэлхийн хамгийн олон хөгжимчин оролцсон дөрвөн чавхдаст жижиг хавай гитарын ансамбль чуулжээ. Японы нэгэн усан боомтод 2000 гаруй хөгжимчин дөрвөн чавхдаст жижиг хавай гитарыг нэгэн зэрэг эгшиглүүлж, дэлхийн нэгэн шинэ амжилтыг тогтоон Гиннессийн амжилтад бүртгүүлсэн байна. Өмнө нь Японы сумо бөхийн барилдаанд зодоглож явсан Хавай нутгийн бөх Конишикигийн хэлснээр хуран цугларсан хөгжимчид түүний зохиосон “Aloha Mahalo A Hui Ho” хэмээх дууны аяыг тоглосон аж.
Дэлхийн дээд амжилтыг эвдсэн уг хөгжмийн цугларалт Токиогийн баруун өмнөд хэсэгт орших Йокохама хотод болсон гэнэ. Уг хот нь нийслэл Токио хотын төвөөс өмнө зүгт 30 км зайд оршдог гэнэ. Албаныхны мэдээлснээр ансамбль нийт 2134 хөгжимчнөөс бүрдсэн юм байна. Тэд ирэх наймдугаар сард 1547 хүний бүрэлдэхүүнтэйгээр Швед улсад очиж, тоглох гэнэ. Уг хөгжмийг тоглосон хөгжимчдийн дунд Японы хөгжимчид ч мөн байжээ. Энэ үеэр зарим Хавай нутгийн хүмүүс хөгжмийн аянд хавайн үндэсний “Хула” бүжгийг бүжиглэж байжээ.
Э.АНХТУЯА
