ОУХМ Ц.Мөнхзаяа "Лондон-2012" зуны XXX олимпийн наадмын жүдо бөхийн эмэгтэйчүүдийн 63 кг-ын жинд барилдаж буй тэрбээр дөнгөж сая хагас шигшээ барилдаанд Афины олимпийн хүрэл медальт, дэлхийн аваргын гурван хүрэл медальтай, Словенийн Урска Золниртой барилдаж, цэвэр ялагдлаа. Түүнчлэн сая ялагдал хүлээсэн барилдаанд Словенийн Урска Золниртой манай бөхийг хориотой барьцаар цэвэр ялсан ч шүүгчид ялагдсан хэмээн шийдвэрлэсэн юм.
Тэрбээр эхний тойрогт Палау улсын жүдоч Женнифер Энсоныг 51 дэх секундэд цэвэр, улмаар Финляндын Йоханна Илиненийг дахин цэвэр ялсан бөгөөд хэсгийн аваргын төлөө 63 кг-ын жингийн чансаанд хоёрдугаарт эрэмбэлэгдээд буй, дэлхийн хошой аварга, Францын жүдоч Жевриз Эманетай цаг сунган барилдаж, шүүгчдийн шийдвэрээр ялсан билээ.
Одоо тэрбээр хүрэл медалийн төлөө жингийнхээ чансааны тэргүүн бөх, дэлхийн хошой аварга, Японы жүдоч Ёшиэ Уэнотой барилдана.
