Хэсэг хугацаанд нам гүм байсан “Гурван бүдүүн” маань энэ зуныг зүгээр сууж өнгөрүүлээгүй гэв. Тэд гурав дахь цомгийн ажилдаа орсон төдийгүй “Магнаг үсэгтэй туг” зэрэг сүүлд гаргасан уран бүтээл болоод хайрын, уянгын бүх төрлийн дуугаа багтаажээ.
Цомог нь энэ сарын сүүлчээр худалдаанд гарах тул баярын өдөрлөг зохион байгуулах гэнэ. Мөн дуучин залуус “Монгол ээж” нэртэй шинэ дууныхаа клипэнд 21 ээжийг тоглуулахаар төлөвлөсөн байна.
Тиймээс уг клипэнд ээжийгээ мөнхжүүлэхийг хүссэн хэн бүхэн “Гурван бүдүүн” хамтлагийнхантай холбогдож, жаргалтай үеэ бичүүлэх боломжтой ажээ. Үүгээр ч зогсохгүй, ирэх жил Олон улсын эмэгтэйчүүдийн эрхийг хамгаалах өдрөөр “Монгол ээж” нэртэй тоглолт хийж магадгүй гэнэ.
Энэ мэт уран бүтээлийн сонин сайхнаа дуулгасан залуус саяхнаас фэнүүдийнхээ хүсэлтэд “дарагдаж” эхэлсэн бөгөөд ээжийгээ клипэнд тоглуулах хүсэлтээ илэрхийлсэн хүмүүс өдөр шөнөгүй утас цохих болсон гэнэ.
Р.Есүй
