“Эвийн түшигтэй анд” дуунаас өөр гавих зүйлгүй ч, нийтийн дууны тоглолтоос хасагдаж үзээгүй Г.Баттогтох дуучнаас гадна сийлбэрчин гэх цол гуншинтай эр. Үнэндээ түүний далны ясан сийлбэр монголд төдийгүй олон улсад ч алдартай, бас цөөнгүй тооны худалдан авагчтай болсон гэдэг юм билээ. Сонирхлынхоо дагуу далны ясан сийлбэр урлаж явсан тэрбээр өдгөө зөвхөн баячуудын цуглуулгад тохирсон бүтээл урладаг болсон гэх бөгөөд сүүлийн үед иймэрхүү зүйлд бараг анхаарахгүй байгаа гэсэн. Учир нь, хэдэн жилийн өмнөөс “Орифлейм” компанийн бараа бүтээгдэхүүнийг худалдаж, охид хүүхнүүдийн дунд гоо сайхны бараа сурталчлан гүйдэг болсноос тэр. Бүр захирал цолонд хүрч, үнэтэй жийпээр хүртэл шагнуулсан болохоор өдгөө энэ ажлаасаа бүр салах ч дургүй байгаагаа хэнээс ч ичилгүй илэрхийлдэг юм билээ. Үүгээр ч зогсохгүй, “Орифлэйм” гэсэн томоос том хаягтай жижиг оврын жийпээ үргэлж унадаг ажээ. Түүнийг нь харсан хүмүүс “Ядаж тэр бичгийг нь арилгаж болдоггүй юм байх даа. Бодвол, захирлууд нь уурлана гэж тэгдэг байх” хэмээн таамаг дэвшүүлж сууна.
Р.Есүй
