2012 оны 8 сарын 3
16:00
ЛОНДОН-2012: Буудлага
Н.Баяраа /урт буу, хэвтээ байрлалаас/
Монгол Улсын түүхэнд анх удаа буудлага спортын урт бууны төрөлд эх орноо төлөөлөн оролцож буй тамирчин ОУХМ Н.Баяраа өнөөдөр онч мэргэнээ сорих юм. Тэрээр өмнө буюу 7 дугаар сарын 30-нд эрэгтэйчүүдийн хийн урт бууны 10 метрийн дасгалд өрсөлдөж, 23 дугаар байрт бичигдсэн билээ.
Н.Баяраа мөн энэ сарын 6-нд гурван байрлалаас буудах дасгалд онч сорих хуваарьтай байна.
Нянтайн БАЯРАА – товч намтар
Олон улсын хэмжээний мастер
Буудлага: эрэгтэйчүүдийн урт бууны төрөл
Төрсөн огноо: 1991-09-25
2012 оны нэгдүгээр сард Катарын нийслэл Доха хотноо болсон буудлага спортын Азийн аварга шалгаруулах тэмцээнд шилдэг наймд шалгарснаар олимпийн эрхээ өвөртөлсөн ОУХМ Н.Баяраа урт бууны төрлөөр олимпод оролцох Монголын тамирчдын анхдагч нь юм. 2005 оноос буудлагын спортоор хичээллэж эхэлсэн тэрбээр дэлхийн оюутан залуусын "Универсиад" их наадмаас багийн төрлөөр мөнгөн медаль хүртэж байв.
2012 оны 8 сарын 3
21:15
ЛОНДОН-2012: Бокс
Н.Төгсцогт /эр, 52 кг/
Олимпийн боксын эрэгтэйчүүдийн 52 кг-ын жинд эх орноо төлөөлөн оролцож буй буй дэлхийн аваргын мөнгөн медальт, Монгол Улсын гавьяат тамирчин Н.Төгсцогт эхний тулаанаа Азербайжаны боксчин Элвин Мамишзадатай хийж ялалт байгуулсан. Харин өнөөдөр орой Бээжингийн олимпийн хүрэл медальт, 2007 оны дэлхийн аваргын хүрэл, Европын аваргын хошой хүрэл медальт Италийн боксчин Винченко Пикардитай өрсөлдөх юм.
Нямбаяр ТӨГСЦОГТ – товч танилцуулга
52 кг –ийн жинд өрсөлдөнө
1992.06.23
Улаанбаатар, Монгол
168 см, 55 кг
Оюутан
Анх удаа Олимпийн наадамд оролцох гэж байна
2006 оноос боксоор хичээллэж эхэлсэн
Монгол Улсын Гавьяат Тамирчин
2009 оны Миланд болсон ДАШТ –ий мөнгөн медальт
2010 оны Дэлхийн Оюутны АШТ –ий алтан медальт
