Монгол угсаатан ястны утга соёлын өвийн cop дээжийг сурталчлах зорилготой "Монгол урлагийн гайхамшиг" тоглолт Улсын дуурь бүжгийн эрдмийн чуулгын тайзнаа тавигдаж байна.
Уг тоглолтод 150 гаруй уран бүтээлч оролцож байгаа бөгөөд өдөр бүр "Монголын сайхан орон" нэртэй тоглолтоо сонордуулж байна.
Тоглолтод Монгол төрийн их найрал, морин хуур, хөөмий, уртын дуу, ардын дуу, уран нугаралт, ардын бүжиг, багт дуу зэрэг бүтээлүүд багтаж буй аж. Харин өнөөдөр болон маргаашийн хөтөлбөрт Монгол ардын уртын дуу "Эртний сайхан", "Сэтгэлд шингэсэн говь", "Намтай сан," морин хуурын гоцлол, ятгын концерт, Сэрсэн говь, Чингис хааны магтаал, "Бие чинь болъё" бүжиг, уран нугараач Цэцэглэнгийн "Сэтгэмж" үзүүлбэрүүд багтжээ.
Мөн Монгол түүхийн улбаанд тод томруун дүртэй Хатад бүжгийн чуулбарыг үзүүлэхээр болж, Монгол цамын тухай толилуулах юм байна.
"Монгол урлагийн гайхамшиг"-ийг нийтэд сурталчлахаар МУАЖ Д.Самбуу, А.Нэргүй, МУГЖ Л.Чулуунчимэг, С.Эрдэнэцэцэг, СТА Б.Сийлэгмаа, Н.Амгалан, Ц.Түмэнжаргал, Х.Эрдэнэцэцэг, Д.Оюунжаргал, Ц.Нарантуяа нар ажиллаж буй юм.
Б.Дэжид
