Монгол ардын дуунуудыг этник чиглэлээр дуулдаг, СУИС-ын дуулаачийн ангийг төгссөн гурван бүсгүй “Шуранхай” нэрээр танигдаад удаагүй байна. Ид бүтээж, туурвих насан дээрээ тус хамтлагийн дуучин Г.Эрдэнэчимэг урлаг, улс төрийг хослон баригч Самандын Жавхлантай тоонотой гэрт толгой холбосноор “Шуранхай” хамтлаг тарсан билээ.
Тус хамтлагийн дуучин Д.Үүрийнтуяа өөрийн хувийн карьераа хөөж, “Увертюра” хамтлагтай “Дөрвөн цагийн тал” хэмээх гайхамшигтай дууг дуулж Бөхийн өргөөнөө тайлан тоглолтоо тавьсан билээ.
Харин Б.Номин-Эрдэнийн хувьд урлаг, уран бүтээл нь зогсчихсон байгаа учраас эргэн олны анхааралд орохын тулд хэрхэн, яаж ажиллах гарцаа олохгүй мунгинаж явна. Энэ байдалдаа тэрээр дүгнэлт хийж сайн продюссер, мэргэжлийн менежерийн эрэлд гараад байна.
Х.Сайханаа
