Лондоны олимпийн эрэгтэйчүүдийн боксын 52 кг-ын жинд хүч үзэж буй гавьяат тамирчин Н.Төгсцогт маргааш үүрээр 03.45 цагт шөвгийн наймын тоглолтоо Узбекистаны боксчин Жасурбек Латиповтой хийхээр болсон байна.
Манай боксчин тэмцээний эхний тойрогт Азербайжаны Элвин Мамишзадатай учраа таарч 11:18, шөвгийн 16-д Италийн боксчин 28 настай Винцензо Пикардитай тулалдаж 17:16-ийн харьцаагаар буулган авсан юм.
20 настай Жасурбек Латипов нь өнгөрсөн онд Азерайжаны нийслэл Баку хотод болсон дэлхийн аварга шалгаруулах тэмцээнд оролцож хүрэл медаль хүртэж байжээ. Харин манай Н.Төгсцогтын хувьд 2009 онд Миланд болсон дэлхийн аваргаас мөнгө, 2009 оны Азийн аваргаас хүрэл медаль хүртсэн юм.
Амжилт хүсье
Д.Түвшинтөр
