Share Facebook Twitter LinkedIn Pinterest Имэйл Хошин урлагийн "Маск" продакшны жүжигчин М.Баярмагнайг "эрүү" Магнай гэдэг. Тэрээр СУИС-ийг төгсөөд УДЭТ-т жил гаруй ажиллаж, 2002 оноос жүжигчин Лхагваа, Б.Батзаяагийн саналаар “Эрхэм элч” болон “Өнгөт инээд” хамтлагт ажиллаж байжээ. Жүжигчин П.Эрдэнэзаан, Ж.Мөнхсайхан нартай хамтран 2007 онд “Маск” продакшнийг байгуулсан гэнэ. Заримдаа Магнайг харахаар л инээд хүрмээр үе байдаг. Түүний хүүхэд нас Баянхонгор аймагт өнгөрсөн бөгөөд дуу хөгжим, урлагт дуртай хүүхэд байжээ. Мөн секц, дугуйланд явж, барилддаг байсан гэнэ. Одоо ч гар бөмбөг сайн тоглодог аж. "Монхоо" хочтой М.Баярмагнай нэлээн буурь, суурьтай эр хүн бөгөөд тоглолтынхоо орлогоор найздаа машин хүртэл авч өгч байсан гэнэ. Магнайгийн эхнэрийг Нарантунгалаг гэдэг бөгөөд оюутан байхдаа дуучин Оюумаад сэтгэл алдарч, зургийг нандигнан хадгалж байгаад найз нартаа баригдсан хөгжилтэй түүхтэй.
